Կոսմետիկ ապրանքների իսկությունը ստուգելու ուղեցույց

1. Փաթեթավորում/ տուփ․

   • Համեմատե՛ք ապրանքի փաթեթավորումն օրիգինալի հետ․ գույնը, պատկերանիշը, տառատեսակը և այլն։ Կեղծիքները կարող են ունենալ անհամապատասխանություններ կամ շեղումներ։
   • Ուշադրություն դարձրե՛ք փաթեթավորման որակին։ Էժանագին նյութերը կարող են վկայել կեղծիքի մասին։
   • Ստուգե՛ք հոլոգրամների առկայությունը, եթե այդպիսիք կան օրիգինալ արտադրանքի վրա։

2. Տուփի վրա առկա տեղեկություն․

   • Միշտ պետք է նշված լինի ապրանքի բաղադրությունը։
   • Արտադրողի մասին տվյալների, արտադրության ամսաթվի և պիտանիության ժամկետ առկայությունը։
   • Ստուգե՛ք թարգմանության ճշգրիտ լինելը, առավելևս՝ եթե դա արտասահմանյան արտադրանք է։ Թարգմանչական կոպիտ սխալները վկայում են կեղծիքի մասին։

3. Գին․

   • Եթե գինը չափազանց ցածր է և գայթակղիչ, դա կարող է նախազգուշացում լինել։ Բարձրորակ կոսմետիկայի գինը բարձր է։

4. Գնման վայր․

   • Գնե՛ք կոսմետկայի պարագաները պաշտոնական խանութներից կամ փորձված օնլայն-խանութներից։ Խուսափե՛ք գնումներ կատարելուց շուկաներից, “ձեռքի վրայից” կամ անհայտ կայքերից։

5. Տեքստուրա և հոտ․

   • Եթե ունեք օրիգինալ ապրանք, ապա համեմատե՛ք վերջինիս հոտն ու տեքստուրան կասկածելի ապրանքի հետ։ Դրանք պետք է նույնը լինեն։
   • Կեղծիքը կարող է ունենալ սուր կամ անսովոր հոտ։

6. Կարծիքներ․

   • Փնտրե՛ք ապրանքի վերաբերյալ կարծիքներ համացանցում։ Եթե շատերն են բողոքում, որ իրենց գնված ապրանքը կեղծիք է, ապա զգոն եղե՛ք։

7. Հերթական համար․

   • Ապրանքների մեծամասնության վրա նշված է ուրույն հերթական համար։ Դուք կարող եք ստուգել այն արտադրողի պաշտոնական կայքում։

8. QR-կոդեր և գծակոդեր․

   • Որոշ բրենդեր օգտագործում են QR-կոդեր կամ գծակոդեր՝ իսկությունն ստուգելու համար։ Սքանավորե՛ք և ստուգե՛ք։

9. Արտադրողի կայք․

   • Այցելե՛ք արտադրողի պաշտոնական կայքը և ստուգե՛ք՝ արդյո՞ք տվյալ ապրանքը ներկայացված է այնտեղ։

10. Արտոնագրեր և վկայագրեր․

• Որոշ ապրանքատեսակների վրա կարող են նշված լինել որակի արտոնագրերը կամ վկայագրերը։ Համոզվե՛ք վերջիններիս առկայության և իսկության մեջ։

11. Հետադարձ կապ արտադրողի հետ․

• Եթե ունեք կասկածներ, ապա կապ հաստատե՛ք անմիջապես արտադրողի հետ և ներկայացրե՛ք ապրանքի լուսանկարները կամ նկարագրությունը։

12. Իսկությունն ստուգելու հավելվածներ․

• Որոշ բրենդեր առաջարկում են հավելվածներ՝ ապրանքի իսկությունն ստուգելու համար։

13. Կազմություն և մաշկի վրա ռեակցիա․

• Եթե ապրանքն օգտագործելուց հետո ձեզ մոտ առաջացել է ալերգիկ ռեակցիա կամ գրգռվածություն, ապա դա կարող է կեղծիքի նշան լինել։

Միշտ եղե՛ք ուշադիր և զգոն՝ կոսմետիկայի պարագաներ գնելիս։ Կեղծիքը կարող է հանգեցնել ոչ միայն դրամային կորստի, այլ նաև վնասել ձեր առոջությանը։